1 ’n Pelgrimslied.
Uit die dieptes roep ek na U,
Here,
2 luister tog na my stem, Here.
Let tog goed op die smeking
van my gebed.
3 Here,
as U ons sondes sou opteken,
wie, Here,
sou ooit kon bestaan?
4 Maar by U is vergifnis;
daarom word U gevrees.
5 Ek wag op die Here,
ek wag, en hoop op sy woord.
6 Ek wag op die Here,
meer as wagte wag op die môre,
wag op die môre.
7 Israel, hoop op die Here,
want by die Here
is troue liefde,
by Hom is volkome redding.
8 Hy sal Israel bevry
van al hulle sondes.