Month: September 2016

Ander afstammelinge van Juda

1 Die seuns van Juda was Peres, Gesron, Karmi, Gur en Sobal.

2 Sobal se seun, Reaja, was die pa van Jagat. Jagat was die pa van Agumai en Lahad. Dit is die afstammelinge van die Soranergeslagte.

3 Die afstammelinge van Etam was Jisreël, Jisma en Jidbas. Die naam van hulle suster was Selelponi.

4 Penuel was die pa van Gedor, en Eser die pa van Gusa. Dit is die afstammelinge van Gur, die oudste seun van Efrata, die afstammeling van Betlehem.

5 Asgur was die pa van Tekoa en hy het twee vroue gehad: Gela en Naära.

6 Naära het geboorte gegee aan Agussam, Gefer, Temni en Agastari. Dit was die seuns van Naära.

7 Die seuns van Gela was Seret, Sogar, Etnan

8 en Kos, wat die pa was van Anub en Sobeba en van die geslagte van Agargel, die seun van Harum.

9 Jabes was meer geëerd as sy broers. Sy ma het hom Jabes genoem omdat sy geboorte so pynlik was.

10 Hy was die een wat tot die God van Israel gebid en gesê het: “Laat u seën op my rus en vergroot my grond! Wees asseblief met my in alles wat ek doen, en bewaar my van moeilikheid en pyn!” En God het sy versoek gehoor en dit gedoen.

11 Kelub was die broer van Suga. Hy was die pa van Megir. Megir was die pa van Eston.

12 Eston was die pa van Bet-Rafa, Paseag en Teginna. Teginna was die pa van Ir-Nagas. Hulle was die afstammelinge van Reka.

13 Die seuns van Kenas was Otniël en Seraja. Die seuns van Otniël was Gatat en Meonotai.

14 Meonotai was die pa van Ofra. Seraja was die pa van Joab, die stigter van die Vakmansdal, so genoem omdat daar baie ambagsmanne gebly het.

15 Die seuns van Kaleb, seun van Jefunne, was Iru, Ela en Naäm. Die seun van Ela was Kenas.

16 Die seuns van Jehallelel was Sif, Sifa, Tireja en Asarel.

17 Die seuns van Esra was Jeter, Mered, Efer en Jalon. Mered het met ’n Egiptiese vrou getrou, wat die ma geword het van Mirjam, Sammai en Jisbag, wat die pa van Estemoa was.

18 Mered se Egiptiese vrou se naam was Bitja, en sy was ’n Egiptiese prinses. Mered het ook met ’n vrou van Juda getrou wat die ma geword het van Jered, die pa van Gedor, Geber, die pa van Soko, en Jekutiël, die pa van Sanoag.

19 Hodija se vrou was die suster van Nagam, pa van Keïla. Haar seuns was Garmi en Estemoa van Maäka.

20 Die seuns van Simon was Amnon, Rinna, Ben-Ganan en Tilon. Die afstammelinge van Jisi was Soget en Ben Soget.

Afstammelinge van Juda se seun

Sela

21 Sela was een van Juda se seuns. Die afstammelinge van Sela was Er, die pa van Leka, Lada, die pa van Maresa, die families van linnewewers van Bet-Asbea,

22 Jokim en die mense van Koseba, Joas en Saraf, wat oor Moab en Jasubi-Legem geheers het. Hierdie name kom almal uit antieke rekords.

23 Hulle was die pottebakkers wat in Netaïm en Gedera gewoon het. Hulle het vir die koning gewerk.

Afstammelinge van Simeon

24 Die seuns van Simeon was Jemuel, Jamin, Jarib, Serag en Saul.

25 Die afstammelinge van Saul was Sallum, Mibsam en Misma.

26 Die afstammelinge van Misma was Gammuel, Sakkur en Simi.

27 Simi het sestien seuns en ses dogters gehad, maar nie een van sy broers het groot families gehad nie. Daarom het die stam van Simeon nooit so groot soos die stam van Juda geword nie.

28 Hulle het in Berseba, Molada, Gasar-Sual,

29 Baäla, Esem, Eltolad,

30 Betuel, Gorma, Siklag,

31 Bet-Markabot, Gasar-Susim, Bet-Biri en Saärajim gebly. Hierdie stede was onder hulle toesig tot die tyd van koning Dawid.

32 Hulle afstammelinge het in die vyf stede Etam, Ajin, Rimmon, Token en Asan gebly,

33 en in al hulle omringende dorpe tot so ver as Baäl. Dit was hulle grond, en hierdie name is in hulle geslagsregister opgeskryf.

34 Ander afstammelinge van Simeon was Mesobab, Jamlek, Josa, seun van Amasia,

35 Joël, Jehu, seun van Josibja, seun van Seraja, seun van Asiël,

36 Eljoënai, Jaäkoba, Jesogaja, Asaja, Adiël, Jesimiël, Benaja

37 en Sisa, seun van Sifi, seun van Allon, seun van Jedaja, seun van Simri, seun van Semaja.

38 Dit was die name van sommige van die regeerders van Simeon se rykste families.

39 Hulle het tot by die ingang na Gedor getrek, in die oostelike deel van die dal, op soek na weiveld vir hulle kleinvee.

40 Hulle het goeie weiveld daar gekry, en die land was ruim, rustig en stil.

Party van Gam se afstammelinge het vroeër daar gebly.

41 Maar gedurende die regering van koning Hiskia van Juda het die leiers van Simeon die gebied binnegeval en hulle het die huise van die afstammelinge van Gam en van die Meüniete as banoffer volledig vernietig. Hulle het almal doodgemaak wat daar gebly het en die land vir hulleself gevat, want hulle het die goeie weiveld vir hulle kuddes nodig gehad.

42 500 van hierdie invallers van die stam van Simeon het na Seïrberg getrek, gelei deur Pelatja, Nearja, Refaja en Ussiël, almal seuns van Jisi.

43 Hulle het die paar Amalekiete wat oorleef het, vernietig. En hulle bly daar tot vandag toe.

Afstammelinge van Ruben

1 Die oudste seun van Israel was Ruben. Hy het nie sy pa gerespekteer nie en by een van sy pa se byvroue geslaap. Daarom is sy geboortereg aan die seuns van sy broer Josef gegee en word hy nie in die geslagsregister as die eersgebore seun vermeld nie.

2 Juda se afstammelinge het die sterkste stam geword en die regeerder vir die nasie verskaf, maar die eersgeboortereg het aan Josef behoort.

3 Die seuns van Ruben, die oudste seun van Israel, was Ganok, Pallu, Gesron en Karmi.

4 Die afstammelinge van Joël was Semaja, Gog, Simi,

5 Miga, Reaja, Baäl en

6 Beëra.

Beëra was die leier van die Rubeniete wat deur koning Tiglat-Pileser van Assirië gevange geneem is.

7 Beëra se familie is in die geslagsregister van hulle families opgeneem: Jeïel, die leier, Sagaria

8 en Bela, seun van Asas, seun van Sema, seun van Joël.

Hierdie Rubeniete het in die gebied geleef wat strek van Aroër tot by Nebo en Baäl-Meon.

9 Omdat hulle so baie vee in die land Gilead gehad het, het hulle na die ooste uitgesprei tot by die rand van die woestyn wat na die Eufraatrivier uitstrek.

10 In die tyd toe Saul koning was, het die Rubeniete die Hagareërs in die oorlog verslaan. Hulle het toe in die Hagareërs se dorpies gaan bly, al langs die oostelike kant van Gilead.

Afstammelinge van Gad

11 Oorkant die Rubeniete in die land Basan het die afstammelinge van Gad gebly, tot so ver oos as Salka.

12 Joël was die leier in die land Basan, en Safam was tweede in bevel, saam met Janai en Safat.

13 Hulle familie, die leiers van sewe ander families, was Migael, Mesullam, Seba, Jorai, Jakan, Sia en Eber.

14 Hulle was almal afstammelinge van Abigajil, seun van Guri, seun van Jaroag, seun van Gilead, seun van Migael, seun van Jesisai, seun van Jagdo, seun van Bus.

15 Agi, seun van Abdiël, seun van Guni, was die leier van hulle families.

16 Die Gadiete het in die land Gilead gebly, in Basan en sy dorpies en die hele Saronplein.

17 Hulle name is almal opgeteken in die geslagsregister in die dae van koning Jotam van Juda en Jerobeam van Israel.

Die stamme oos van die Jordaan

18 Daar was 44 760 vaardige soldate in die leër van Ruben, Gad en die halwe stam van Manasse. Hulle was almal vaardig en ervare in die oorlog, gewapen met skild, swaard en boog.

19 Hulle het oorlog teen die Hagareërs, Jeturiete, Nafiete en Nodabiete gemaak.

20 Hulle het na God geroep tydens die geveg, en Hy het hulle gebed verhoor omdat hulle op Hom vertrou het. So is die Hagareërs en al hulle bondgenote verslaan.

21 Die buit wat hulle by die Hagareërs afgevat het, het 50 000 kamele, 250 000 skape, 2 000 donkies en 100 000 gevangenes ingesluit.

22 Baie van die Hagareërs is in die oorlog doodgemaak omdat God teen hulle baklei het. Hulle het in hulle land gebly totdat hulle in ballingskap weggevoer is.

23 Die halwe stam van Manasse het in die land gewoon vanaf Basan tot by Baäl-Hermon, Senir en Hermonberg. Hulle was baie mense.

24 Die leiers van hulle families was: Efer, Jisi, Eliël, Asriël, Jeremia, Hodauja en Jagdiël.

Elkeen van hierdie manne het ’n groot reputasie gehad as dapper soldaat en leier.

25 Maar hulle was ontrou aan die God van hulle voorouers. Hulle het die gode aanbid van die volke wat God vernietig het.

26 Daarom het die God van Israel veroorsaak dat koning Pul van Assirië, ook bekend as Tiglat-Pileser, die land binnegeval het en die Rubeniete, Gadiete en die halwe stam van Manasse as gevangenes weggelei het. Die Assiriërs het hulle in ballingskap na Galag, Gabor, Hara en die Gosanrivier gevat, waar hulle tot vandag toe bly.

Die priesterlike lyn

1 Die seuns van Levi was Gerson, Kehat en Merari.

2 Die afstammelinge van Kehat was Amram, Jishar, Hebron en Ussiël.

3 Die kinders van Amram was Aäron, Moses en Mirjam. Die seuns van Aäron was Nadab, Abihu, Eleasar en Itamar.

4 Eleasar was die pa van Pinehas. Pinehas was die pa van Abisua.

5 Abisua was die pa van Bukki. Bukki was die pa van Ussi.

6 Ussi was die pa van Seragja. Seragja was die pa van Merajot.

7 Merajot was die pa van Amarja. Amarja was die pa van Agitub.

8 Agitub was die pa van Sadok. Sadok was die pa van Agimaäs.

9 Agimaäs was die pa van Asarja. Asarja was die pa van Joganan.

10 Joganan was die pa van Asarja, die hoëpriester by die tempel wat Salomo in Jerusalem gebou het.

11 Asarja was die pa van Amarja. Amarja was die pa van Agitub.

12 Agitub was die pa van Sadok. Sadok was die pa van Sallum.

13 Sallum was die pa van Gilkija. Gilkija was die pa van Asarja.

14 Asarja was die pa van Seraja. Seraja was die pa van Josadak,

15 wat in ballingskap gegaan het toe die Here die mense van Juda en Jerusalem in ballingskap onder Nebukadnesar weggevoer het.

Die Levietefamilies

16 Die seuns van Levi was Gerson, Kehat en Merari.

17 Die afstammelinge van Gerson was Libni en Simi.

18 Die seuns van Kehat was Amram, Jishar, Hebron en Ussiël.

19 Die seuns van Merari was Magli en Musi. Die volgende is die families van die Leviete, volgens hulle voorouers:

20 Die afstammelinge van Gerson was Libni, Jagat, Simma,

21 Joag, Iddo, Serag en Jeatrai.

22 Die afstammelinge van Kehat was Amminadab, Korag, Assir,

23 Elkana, Abiasaf, Assir,

24 Tagat, Uriël, Ussia en Saul.

25 Die afstammelinge van Elkana was Amasai, Agimot en Elkana.

26 Die seuns van Elkana was Suf, Nagat,

27 Eliab, Jerogam, Elkana en Samuel.

28 Die seuns van Samuel was Joël, die oudste, en Abia, die tweede seun.

29 Die seuns van Merari was Magli, Libni, Simi, Ussa,

30 Sima, Gaggija en Asaja.

Tempelmusikante

31 Dawid het die volgende mense aange-stel om die musiek in die huis van die Here te lei ná hy die ark daar ingebring het.

32 In die tabernakel, die tent van ontmoeting, het hulle met musiek gedien totdat Salomo die tempel vir die Here in Jerusalem gebou het. Toe het hulle aangehou met hulle werk, volgens al die regulasies wat aan hulle oorgelewer is.

33 Hier is die manne wat gedien het, saam met hulle seuns: Heman die sanger was van die Kehatgroep. Sy geslagsregister gaan terug na Joël, Samuel,

34 Elkana, Jerogam, Eliël, Togu,

35 Suf, Elkana, Magat, Amasai,

36 Elkana, Joël, Asarja, Sefanja,

37 Tagat, Assir, Abiasaf, Korag,

38 Jishar, Kehat, Levi en Israel.

39 Heman se eerste assistent was Asaf van die Gersongroep. Asaf se geslagsregister gaan terug na Berekja, Sima,

40 Migael, Maäseja, Malkija,

41 Etni, Serag, Adaja,

42 Etan, Simma, Simi,

43 Jagat, Gerson en Levi.

44 Heman se tweede assistent was Etan van die Merarigroep. Etan se geslagsregister gaan terug na Kusaja, Abdi, Malluk,

45 Gasabja, Amasia, Gilkija,

46 Amsi, Bani, Semer,

47 Magli, Musi, Merari en Levi.

48 Hulle familie, ook Leviete, is aangestel om verskeie take in die tabernakel, die huis van God, te verrig.

Aäron se afstammelinge

49 Net Aäron en sy afstammelinge het as priesters gewerk. Hulle het die offers op die brandofferaltaar en die wierookaltaar aangebied, en al die ander werk in die Allerheiligste gedoen. So het hulle Israel met God versoen deur al die bevele te volg wat Moses, die kneg van God, gegee het.

50 Die afstammelinge van Aäron is Eleasar, Pinehas, Abisua,

51 Bukki, Ussi, Seragja,

52 Merajot, Amarja, Agitub,

53 Sadok en Agimaäs.

Leviete se grond

54 Hier is ’n lys van die dorpe en grond wat deur die gewyde lot aan die afstammelinge van Aäron van die Kehatgroep toegeken is.

55 Dit het Hebron in Juda met sy weiveld daar rondom ingesluit,

56 maar die saaigrond van die stad en sy dorpe is aan Kaleb, die seun van Jefunne, gegee.

57 Die afstammelinge van Aäron het saam met die volgende dorpe ook die omliggende weiveld gekry: Hebron, wat ’n vrystad was, Libna, Jattir, Estemoa,

58 Golon, Debir,

59 Asan met sy weivelde en Bet-Semes met sy weivelde.

60 Van die grond van Benjamin is aan hulle gegee: Gibeon, Geba, Alemet en Anatot, elkeen met sy weiveld. So is ’n totaal van dertien stede vir die afstammelinge van Aäron gegee.

61 Die oorblywende afstammelinge van Kehat het tien stede in die grondgebied van die halwe stam van Manasse deur middel van die gewyde lot gekry.

62 Die afstammelinge van Gerson het in die grondgebied van Issaskar, Aser, Naftali en van die Basangebied van Manasse dertien stede deur die gewyde lot gekry.

63 Die afstammelinge van Merari het deur die gewyde lot twaalf stede gekry in die grondgebied van Ruben, Gad en Sebulon.

64 So het die mense van Israel al hierdie stede met hulle weivelde aan die Leviete afgestaan.

65 Die stede in die grondgebiede van Juda, Simeon en Benjamin wat pas genoem is, is almal deur die gewyde lot aangewys.

66 Die afstammelinge van Kehat het in die grondgebied van Efraim hierdie stede ontvang, elkeen met sy omliggende weiveld:

67 Sigem wat ’n vrystad in die bergland van Efraim is, Geser,

68 Jokmeam, Bet-Goron,

69 Ajalon en Gat-Rimmon.

70 Die oorblywende afstammelinge van Kehat het hierdie stede in die grondgebied van die halwe stam van Manasse gekry: Aner en Jibleam, elkeen met sy weiveld.

71 Die afstammelinge van Gerson het in die grondgebied van die halwe stam van Manasse Golan in Basan met sy weiveld en Astarot met sy weiveld gekry.

72 In die grondgebied van Issaskar is aan hulle gegee: Kedes, Daberat,

73 Ramot en En-Gannim, elkeen met sy weivelde.

74 In die grondgebied van Aser het hulle Misal, Abdon,

75 Gukok en Regob, elkeen met sy weivelde gekry.

76 In die grondgebied van Naftali het hulle Kedes in Galilea, Gammon en Kirjatajim, elkeen met sy weivelde, gekry.

77 Die oorblywende afstammelinge van Merari het in die grondgebied van Sebulon die stede van Jokneam, Karta, Rimmon en Tabor, elkeen met sy weivelde, gekry.

78 Van die grondgebied van Ruben, oorkant die Jordaan oos van Jerigo, het hulle Beser, ’n woestynstad, Jahas,

79 Kedemot en Mefaät, elkeen met sy weivelde, gekry.

80 En in die grondgebied van Gad het hulle Ramot in Gilead, Maganajim,

81 Gesbon en Jaser, elkeen met sy weivelde, gekry.

Afstammelinge van Issaskar

1 Die vier seuns van Issaskar was Tola, Puwwa, Jasub en Simron.

2 Die seuns van Tola was Ussi, Refaja, Jeriël, Jagmai, Jibsam en Samuel. Elkeen van hulle was ’n leier van hulle familie. Teen die tyd van koning Dawid was 22 600 manne vir militêre diens beskikbaar uit dié families.

3 Die seun van Ussi was Seragja. Die seuns van Seragja was Migael, Obadja, Joël en Jissija. Hierdie vyf het die leiers van families geword.

4 Tussen hulle afstammelinge was 36 000 beskikbaar vir militêre diens, want al vyf van hulle het baie vroue en kinders gehad.

5 Die totale aantal manne wat beskikbaar was vir militêre diens van al die families van Issaskar was 87 000.

Afstammelinge van Benjamin

6 Drie van Benjamin se seuns was Bela, Beker en Jediael.

7 Die seuns van Bela was Esbon, Ussi, Ussiël, Jerimot en Iri. Hierdie vyf soldate was die leiers van families. Die totale aantal manne wat vir militêre diens beskikbaar was, was 22 034. Almal van hulle se name is opgeteken in hulle geslagsregister.

8 Die seuns van Beker was Semira, Joas, Eliëser, Eljoënai, Omri, Jeremot, Abia, Anatot en Alemet.

9 Volgens hulle geslagsregister was daar 20 200 manne beskikbaar vir militêre diens tussen hulle afstammelinge, buiten hulle families se leiers.

10 Die seun van Jediael was Bilhan. Die seuns van Bilhan was Jeüs, Benjamin, Ehud, Kenaäna, Setan, Tarsis en Agisagar.

11 Hulle was die leiers van die families van Jediael, en tussen hulle afstammelinge was 17 200 manne vir militêre diens beskikbaar.

12 Die seuns van Ir was Suppim en Guppim. Gusim was die seun van Ager.

Afstammelinge van Naftali

13 Die seuns van Naftali was Jagseël, Guni, Jeser en Sillem. Hulle was afstammelinge van Bilha.

Afstammelinge van Manasse

14 Die seuns van Manasse by sy Aramese byvrou was Asriël en Makir. Makir was die pa van Gilead.

15 Makir het vir Guppim en Suppim vroue gekry. Makir se suster se naam was Maäka. Een van sy afstammelinge was Selofgad, wat net dogters gehad het.

16 Makir se vrou Maäka het ’n seun gehad wat sy Peres genoem het. Sy broer se naam was Seres. Die seuns van Peres was Ulam en Rekem.

17 Die seun van Ulam was Bedan. Hulle is almal geag as Gileadiete, afstammelinge van Makir, die seun van Manasse.

18 Makir se suster Moleket het geboorte gegee aan Ishod, Abiëser en Magla.

19 Die seuns van Semida was Agjan, Sekem, Likgi en Aniam.

Afstammelinge van Efraim

20 Die afstammelinge van Efraim was Sutelag, Bered, Tagat, Elada, Tagat,

21 Sabad en Sutelag. Efraim se seuns Eser en Elad het probeer om vee van die boere naby Gat te steel toe hulle doodgemaak is.

22 Hulle pa, Efraim, het baie lank oor hulle getreur, en sy familie het hom kom troos.

23 Daarna het Efraim by sy vrou geslaap, en sy het swanger geword en geboorte aan ’n seun gegee. Efraim het hom Beria genoem as gevolg van die tragedie wat die familie getref het.

24 Efraim het ’n dogter gehad met die naam Seëra. Sy het Bet-Goron-Onder en Bet-Goron-Bo gebou, en Ussen-Seëra.

25 Efraim se geslagslyn was Refag, Resef, Telag, Tagan,

26 Ladan, Ammihud, Elisama,

27 Nun en Josua.

28 Die afstammelinge van Efraim het in die grondgebied gebly wat Bet-El met sy omliggende dorpies na die suide ingesluit het: Naära na die ooste, Geser met sy omliggende dorpies na die weste, en Sigem met sy omliggende dorpies na die noorde tot so ver as Aja met sy dorpies.

29 Langs die grens van Manasse was die stede van Bet-San, Taänak, Megiddo en Dor, almal met hulle omliggende dorpies. Die afstammelinge van Josef, die seun van Israel, het hier gewoon.

Afstammelinge van Aser

30 Die seuns van Aser was Jimma, Jiswa, Jiswi en Beria. Serag was hulle suster.

31 Die seuns van Beria was Geber en Malkiël, wat die pa van Birsajit was.

32 Die seuns van Geber was Jaflet, Semer en Gotam. Sua was hulle suster.

33 Die seuns van Jaflet was Pasak, Bimhal en Aswat.

34 Die seuns van Semer was Agi, Roga, Gubba en Aram.

35 Die seuns van sy broer Gotam was Sofag, Jimna, Seles en Amal.

36 Die seuns van Sofag was Suag, Garnefer, Sual, Beri, Jimra,

37 Beser, Hod, Samma, Silsa, Jitran en Beëra.

38 Die seuns van Jitran was Jefunne, Pispa en Ara.

39 Die seuns van Ulla was Arag, Ganniël en Risja.

40 Elkeen van hierdie afstammelinge van Aser was die leier van ’n familiegroep. Hulle was ook almal vaardige soldate en prominente leiers. Daar was 26 000 manne wat vir militêre diens beskikbaar was tussen hulle afstammelinge wat in die geslagsregister opgeteken is.

Afstammelinge van Benjamin

1 Die seuns van Benjamin was, in volgorde van ouderdom, Bela, die oudste, Asbel, Agrag,

2 Noga en Rafa.

3 Die seuns van Bela was Ard, Gera, Abihud,

4 Abisua, Naäman, Agoag,

5 Gera, Sefufan en Guram.

6 Die seuns van Egud, almal leiers van families wat by Geba gebly het, is uitgedryf en het na Managat getrek.

7 Egud se seuns was Naäman, Agija en Gera. Gera, pa van Ussa en Agigud, het hulle gelei toe hulle getrek het.

8 Nadat Sagarajim sy vroue Gusim en Baära geskei het, het hy kinders in die land Moab gehad.

9 Godes, sy nuwe vrou, het geboorte gegee aan Jobab, Sibja, Mesa, Malkam,

10 Jeüs, Sakeja en Mirma. Hierdie seuns het almal die leiers van families geword.

11 Sagarajim se vrou Gusim het alreeds geboorte gegee aan Abitub en Elpaäl.

12 Die seuns van Elpaäl was Eber, Misam, Semed wat Ono en Lod en hulle omliggende dorpies gebou het,

13 asook Beria en Sema. Hulle was die leiers van families wat in Ajalon gebly het en die inwoners van Gat verjaag het.

14 Agjo, Sasak, Jeremot,

15 Sebadja, Arad, Eder,

16 Migael, Jispa en Joga was die seuns van Beria.

17 Sebadja, Mesullam, Giski, Geber,

18 Jismerai, Jislia en Jobab was die seuns van Elpaäl.

19 Jakim, Sikri, Sabdi,

20 Eliënai, Silletai, Eliël,

21 Adaja, Beraja en Simrat was die seuns van Simi.

22 Jispan, Eber, Eliël,

23 Abdon, Sikri, Ganan,

24 Gananja, Elam, Antotija,

25 Jifdeja en Penuel was die seuns van Sasak.

26 Samserai, Segarja, Atalia,

27 Jaäresja, Elia en Sikri was die seuns van Jerogam.

28 Hulle was die leiers van familiegroepe, en hulle name is opgeteken in die geslagsregister. Hulle het almal in Jerusalem gewoon.

Die familie van Saul

29 Gibeon se pa het in Gibeon gewoon. Sy vrou se naam was Maäka,

30 en hulle oudste seun se naam was Abdon. Die ander seuns was Sur, Kis, Baäl, Nadab,

31 Gedor, Agjo, Seker en

32 Miklot wat die pa van Sima was. Al dié families het naby mekaar in Jerusalem gebly.

33 Ner was die pa van Kis. Kis was die pa van Saul. Saul was die pa van Jonatan, Malkisua, Abinadab en Es-Baäl.

34 Jonatan was die pa van Meribbaäl. Meribbaäl was die pa van Miga.

35 Miga was die pa van Piton, Melek, Tagrea en Agas.

36 Agas was die pa van Jehoadda. Jehoadda was die pa van Alemet, Asmawet en Simri. Simri was die pa van Mosa.

37 Mosa was die pa van Bina. Bina was die pa van Rafa. Rafa was die pa van Elasa. Elasa was die pa van Asel.

38 Asel het ses seuns gehad: Asrikam, Bokeru, Ismael, Searja, Obadja en Ganan. Hulle was Asel se seuns.

39 Asel se broer Esek het drie seuns gehad: Ulam, die oudste, Jeüs, die tweede, en Elifelet, die derde.

40 Die seuns van Ulam was almal vaardige soldate en ervare boogskutters. Hulle het baie kinders en kindskinders gehad, 150 in totaal.

Hulle was almal afstammelinge van Benjamin.

1 Die hele Israel se name is in geslagsregisters opgeskryf inDie boek van die konings van Israel.

Teruggekeerde ballinge

Die mense van Juda is in ballingskap na Babel weggevoer omdat hulle ontrou aan die Here was.

2 Die eerste wat weer na hulle eiendom in die dorpe waar hulle voorheen gebly het, teruggekeer het, was gewone Israeliete, priesters, Leviete en tempelbediendes.

3 Mense van die stamme van Juda, Benjamin, Efraim en Manasse het gekom en in Jerusalem gaan bly.

4 Een familie wat teruggekom het, was dié van Utai, seun van Ammihud, seun van Omri, seun van Imri, seun van Bani, ’n afstammeling van Peres, seun van Juda.

5 Ander wat teruggekom het, was van die Silonietegroep, insluitende Asaja die oudste, en sy seuns.

6 Van die Seraggroep het Jeüel en sy familie teruggekeer.

Altesame 690 families van die stam van Juda het teruggekom.

7 Van die stam van Benjamin het Sallu, seun van Mesullam, seun van Hodauja, seun van Senua,

8 Jibneja, seun van Jerogam, Ela, seun van Ussi, seun van Mikri, en Mesullam, seun van Sefatja, seun van Reüel, seun van Jibnija teruggekom.

9 Hierdie manne was almal leiers van families, en hulle name is opgeteken in die geslagsregister. Altesame 956 mense van die stam van Benjamin het teruggekom.

Teruggekeerde priesters

10 Tussen die priesters wat teruggekom het, was Jedaja, Jojarib, Jakin

11 en Asarja, seun van Gilkija, seun van Mesullam, seun van Sadok, seun van Merajot, seun van Agitub. Asarja was die hoofamptenaar van die huis van God.

12 Ander priesters wat gekom het, was Adaja, seun van Jerogam, seun van Pasgur, seun van Malkija, en Masai, seun van Adiël, seun van Jagsera, seun van Mesullam, seun van Mesillemot, seun van Immer.

13 Altesame 1 760 priesters het teruggekom. Hulle was leiers van families en bekwame manne. Hulle was verantwoordelik om in die huis van God te dien.

Teruggekeerde Leviete

14 Die Leviete wat teruggekom het, was Semaja, seun van Gassub, seun van Asrikam, seun van Gasabja, ’n afstammeling van Merari,

15 Bakbakkar, Geres, Galal, Mattanja, seun van Miga, seun van Sikri, seun van Asaf,

16 Abda, seun van Sammua, seun van Galal, seun van Jedutun, en Berekja, seun van Asa, seun van Elkana wat in die gebied van Netofa gebly het.

17 Die poortwagters wat teruggekom het, was Sallum, Akkub, Talmon, Agiman en hulle familie. Sallum was die hoofpoortwagter.

18 Voor hierdie tyd was hulle verantwoordelik vir die koningspoort aan die oostekant. Hierdie manne was die poortwagters vir die kampe van die Leviete.

19 Sallum was die seun van Kore, ’n afstammeling van Abiasaf, van die Koraggroep. Hy en sy familie, die Koragiete, was verantwoordelik om die ingang na die heiligdom te beskerm, net soos hulle voorouers die tabernakel in die kamp van die Here beskerm het.

20 Pinehas, seun van Eleasar, was vroeër in beheer van die poortwagters, en die Here was met hom.

21 Later was Sagaria, seun van Meselemja, verantwoordelik om die ingang na die tent van ontmoeting te beskerm.

22 Altesame was daar 212 poortwagters in daardie dae, en hulle name is almal in geslagsregisters in hulle dorpe opgeteken. Dawid en die siener Samuel het hulle voorouers aangestel omdat hulle betroubare manne was.

23 Hulle en hulle afstammelinge was verantwoordelik om die ingang na die huis van die Here te beskerm, die huis wat voorheen ’n tent was.

24 Die poortwagters moes aan al vier kante staan – oos, wes, noord en suid.

25 Hulle naasbestaandes het van tyd tot tyd uit die dorpies gekom om vir periodes van sewe dae hulle pligte te deel.

26 Die vier hoofdeurwagters, almal Leviete, het groot vertroue geniet, want hulle was verantwoordelik vir die skatkamers en skatte van die huis van God.

27 Hulle het in die nag rondom die huis van God gebly, want hulle moes dit beskerm. Dit was ook hulle werk om die ingange elke oggend oop te sluit.

28 Party van die hekwagters moes ook sorg vir die verskillende gereedskap wat in die tempel gebruik is. Hulle moes sorg dat dit uitgeneem en teruggebring word sonder dat iets verlore gaan.

29 Ander was verantwoordelik vir die meubels en al die heilige voorwerpe, ook die fynmeel, wyn, olie, wierook en speserye.

30 Maar dit was die priesters wat die speserye en wierook voorberei het.

31 Mattitja, ’n Leviet en oudste seun van die Koragiet Sallum, was verantwoordelik vir die brood wat vir die offers gebak is.

32 En party lede van die Kehatietegroep was verantwoordelik vir die brode wat elke Sabbat op die tafel geplaas is.

33 Die musikante, almal prominente Leviete, het in die tempel gewoon. Hulle was vrygeskeld van ander verantwoordelikhede omdat hulle alle ure aan diens was.

34 Al hierdie mans het in Jerusalem gewoon. Hulle was die hoofde van Levitiese families en is in hulle stamme se geslagsregisters as prominente leiers aangeteken.

Koning Saul se stamboom

35 Jeïel, die pa van Gibeon, het in Gibeon gebly. Sy vrou se naam was Maäka,

36 en sy oudste seun se naam was Abdon. Jeïel se ander seuns was Sur, Kis, Baäl, Ner, Nadab,

37 Gedor, Agjo, Seker en Miklot.

38 Miklot was die pa van Sima. Al hierdie families het naby mekaar in Jerusalem gebly.

39 Ner was die pa van Kis. Kis was die pa van Saul. Saul was die pa van Jonatan, Malkisua, Abinadab en Es-Baäl.

40 Jonatan was die pa van Meribbaäl. Meribbaäl was die pa van Miga.

41 Die seuns van Miga was Piton, Melek, Tagrea en Agas.

42 Agas was die pa van Jehoadda. Jehoadda was die pa van Alemet, Asmawet en Simri. Simri was die pa van Mosa.

43 Mosa was die pa van Bina. Bina se seun was Refaja. Refaja se seun was Elasa. Elasa se seun was Asel.

44 Asel het ses seuns gehad, en hulle name was Asrikam, Bokeru, Ismael, Searja, Obadja en Ganan. Hulle was Asel se seuns.

Die dood van koning Saul

1 Die Filistyne het Israel aangeval, en die manne van Israel moes vir die Filistyne wegvlug. Baie is teen die hange van die Gilboaberg doodgemaak.

2 Die Filistyne het vir Saul en sy seuns ingehaal. Hulle het drie van sy seuns doodgemaak, vir Jonatan, Abinadab en Malkisua.

3 Die geveg het baie swaar rondom Saul geword, en die Filistynse boogskutters het hom gesien en raakgeskiet.

4 Saul het vir sy wapendraer gesê: “Trek jou swaard uit en steek my dood voor hierdie heidense Filistyne kom en my verneder.” Maar sy wapendraer was baie bang en wou dit nie doen nie. Toe vat Saul sy eie swaard en val daarin.

5 Toe sy wapendraer besef dat Saul dood is, het hy ook in sý swaard geval en gesterf.

6 So het Saul en sy drie seuns saam gesterf sodat sy koningshuis beëindig is.

7 Toe die Israeliete in die Jisreëlvlakte sien dat hulle leër gevlug het en dat Saul en sy seuns dood is, het hulle hulle stede verlaat en gevlug. Die Filistyne het die stede beset en daar gaan woon.

8 Die volgende dag toe die Filistyne uitgaan om die gesneuweldes te plunder, vind hulle die lyke van Saul en sy seuns op Gilboaberg.

9 Hulle het sy lyk gestroop van sy wapens en sy kop afgekap. Toe het hulle boodskappers deur die hele land van die Filistyne gestuur om die goeie nuus aan hulle afgode en die volk bekend te maak.

10 Hulle het sy wapens in die huis van hulle god gesit en sy kop in die tempel van Dagon vasgeslaan.

11 Die mense van Jabes-Gilead het gehoor wat die Filistyne alles aan Saul gedoen het.

12 Toe het hulle soldate gegaan en die lyke van Saul en sy drie seuns teruggebring na Jabes toe. Hulle het die oorskot onder die eikeboom in Jabes begrawe, en sewe dae lank gevas.

13 Saul is dood omdat hy ontrou aan die Here was. Hy het nie die Here se opdrag gehoorsaam nie, en het selfs leiding by iemand gaan soek wat geeste oproep.

14 Hy het nie die Here geraadpleeg nie. Daarom het die Here hom doodgemaak en die koningskap aan Dawid seun van Isai gegee.

Dawid word koning oor die hele

Israel

1 Die hele Israel het na Dawid in Hebron gegaan en vir hom gesê: “Ons is almal deel van u familie.

2 Vir ’n lang tyd al, selfs terwyl Saul koning was, was u die een wat in werklikheid Israel gelei het. Die Here u God het vir u gesê: ‘Jy sal die herder vir my volk Israel wees. Jy sal hulle leier wees.’”

3 Dawid het voor die Here ’n ooreenkoms met die leiers van Israel gesluit. Hulle het hom as koning oor Israel gesalf, net soos die Here deur Samuel belowe het.

Dawid neem Jerusalem in

4 Dawid en die hele Israel het opgetrek teen Jerusalem, of soos dit vroeër genoem is, Jebus. Die Jebusiete, oorspronklike bewoners van die land, het daar gewoon.

5 Die inwoners van Jebus het vir Dawid gesê: “Jy sal nooit hier inkom nie.” Maar Dawid het die bergvesting Sion ingeneem. Dit is wat nou die stad van Dawid genoem word.

6 Dawid het vir sy soldate gesê: “Wie ook al die aanval teen die Jebusiete lei, sal hoof van my weermag wees!” Joab, die seun van Dawid se suster Seruja, het die aanval gelei. So het hy hoof van Dawid se weermag geword.

7 Dawid het die bergvesting sy woning gemaak; daarom noem hulle dit die Stad van Dawid.

8 Hy het die stad uitgebrei van die Millo af reg in die rondte, terwyl Joab die res van die stad herbou het.

9 En Dawid het al magtiger geword omdat die Here, die Almagtige, altyd met hom was.

Dawid se magtigste manne

10 Dit is die leiers van Dawid se magtigste manne. Hulle was getrou aan Dawid en het hom saam met die hele Israel koning gemaak, net soos die Here vir Israel belowe het.

11 Hier is die lys van Dawid se magtigste manne: Die eerste is Jasobam, die Gakmoniet, die aanvoerder van die Drie, die drie grootste soldate tussen Dawid se manne. Hy het eenkeer met sy spies 300 soldate van die vyand in ’n enkele geveg doodgemaak.

12 Volgende tussen die Drie was Eleasar, seun van Dodo, ’n afstammeling van Agoag.

13 Hy was saam met Dawid in die geveg teen die Filistyne by Efes-Dammim. Die geveg het plaasgevind in ’n stuk land vol gars, en die Israelitiese soldate het vir die Filistyne gevlug.

14 Maar hulle het in die middel van die stuk land gaan staan en die Filistyne teruggejaag. So het die Here hulle deur ’n groot oorwinning gered.

15 Eenkeer terwyl Dawid naby die grot van Adullam was, het die Filistynse weermag in die Refaimvallei uitgekamp. Die Drie, deel van die Dertig wat Dawid se elitegevegsgroep was, het afgetrek om by hom te wees.

16 Dawid het toe in die bergvesting gaan bly, want ’n deel van die Filistynse leër het Betlehem beset.

17 Dawid het verlangend gesê: “Ag, hoe wens ek dat ek van die goeie water van die put in Betlehem kan kry, die put by die ingang!”

18 Die Drie het toe deur die laer van die Filistyne gebreek, water uit die put van Betlehem wat by die poort was, geskep en dit vir Dawid gebring. Dawid het geweier om dit te drink. Hy het dit voor die Here uitgegiet.

19 “Mag God my daarvan bewaar dat ek dit sou drink!” het hy uitgeroep. “Hierdie water is net so kosbaar as die bloed van die manne wat hulle lewe gewaag het om dit vir my te bring.” Dawid het dit nie gedrink nie. Dit is ’n voorbeeld van wat die Drie gedoen het.

Dawid se dertig magtigste

manne

20 Abisai, die broer van Joab, was die leier van die Dertig. Hy het eenkeer met sy spies 300 soldate van die vyand doodgemaak. Dit was oor sulke kordaatstukke dat hy net so bekend geword het as die Drie.

21 Abisai was die bekendste van die Dertig en was hulle aanvoerder, alhoewel hy nie een van die Drie was nie.

22 Dan was daar ook Benaja, seun van Jojada, ’n dapper soldaat uit Kabseël. Hy het baie heldhaftige dinge gedoen. So het hy twee van Moab se grootste helde doodgemaak. ’n Ander keer het hy ’n leeu in ’n gat afgejaag. Ten spyte daarvan dat daar sneeu geval het, het hy die leeu gevang en doodgeslaan.

23 Op ’n ander keer het hy ’n Egiptiese soldaat wat amper twee en ’n half meter lank was en wie se spies so dik soos ’n wewersbalk was, met net ’n stok doodgemaak. Benaja het die spies uit sy hand geruk en hom met sy eie spies doodgesteek.

24 Dit is een van die heldedade wat Benaja so bekend soos die Drie gemaak het.

25 Hy was meer geëerd as die ander lede van die Dertig, maar hy was nie een van die Drie nie. Dawid het hom aanvoerder van sy lyfwag gemaak.

26 Hierdie manne is ook ingesluit onder die magtige manne van Dawid: Asael, die broer van Joab; Elganan, seun van Dodo, uit Betlehem;

27 Samma van Garod; Geles van Pelet;

28 Ira, seun van Ikkes van Tekoa; Abiëser van Anatot;

29 Sibbekai van Gusa; Ilai van Agoag;

30 Marai van Netofa; Geled, seun van Baäna van Netofa;

31 Itai, seun van Ribai, uit Gibea van die stam van Benjamin; Benaja van Piraton;

32 Hiddai, van naby Nagale-Gaäs; Abi-Albon, die Arabatiet;

33 Asmawet van Bagurim; Eljagba van Saälbon.

34 Die seuns van Jasen van Gison; Jonatan, seun van Sage van Harar;

35 Agiam, seun van Sarar van Harar; Elifal, seun van Ur;

36 Gefer van Mekera; Agija van Pelon;

37 Gesro van Karmel; Naärai, seun van Esbai;

38 Joël, broer van Natan; Mibgar, seun van Hagri;

39 Selek van Ammon; Nagrai van Beërot, wapendraer van Joab, seun van Seruja;

40 Ira van Jeter; Gareb van Jeter;

41 Urija, die Hetiet; Sabad, seun van Aglai;

42 Adina, seun van Sisa, die Rubeniet, leier van 30 manne saam met hom;

43 Ganan, seun van Maäka; Josafat van Mitna;

44 Ussia van Astarot; Sama en Jeïel, seuns van Gotam van Aroër;

45 Jediael, seun van Simri; Joga, sy broer van Tis;

46 Eliël van Magawi; Jeribai en Josauja, seuns van Elnaäm; Jitma van Moab;

47 Eliël en Obed; Jaäsiël van Soba.

Soldate sluit by Dawid se leër

aan

1 Die volgende manne het by Dawid in Siklag aangesluit terwyl hy nog vir Saul, seun van Kis, weggekruip het. Hulle was tussen die soldate wat langs Dawid in die oorlog geveg het.

2 Hulle was almal vaardige boogskutters, wat ewe goed met die regter- en linkerhand slingerstene kon gooi en met pyl en boog kon skiet. Hulle was almal familie van Saul uit die stam van Benjamin.

3 Hulle leier was Agiëser, seun van Semaä van Gibea. Sy broer Joas was tweede in bevel. Die ander soldate was: Jesiël en Pelet, seuns van Asmawet; Beraka en Jehu van Anatot;

4 Jismaja van Gibeon, ’n bekende soldaat en leier oor die Dertig; Jeremia, Jagasiël, Joganan en Josabad van Gedera;

5 Elusai, Jerimot, Bealja, Semarja en Sefatja van Garif;

6 Elkana, Jissija, Asarel, Joëser en Jasobam, wat Koragiete was;

7 Joëla en Sebadja, seuns van Jerogam van Gedor.

8 Sommige van die dapper en ervare soldate van die stam van Gad het ook na Dawid oorgeloop terwyl hy in die bergvesting in die wildernis gebly het. Hulle was ervare met skild en spies, so sterk soos leeus en so vinnig soos bokke op die berge.

9 Eser was hulle leier. Obadja was tweede in bevel. Eliab was derde.

10 Mismanna was vierde. Jeremia was vyfde.

11 Attai was sesde. Eliël was sewende.

12 Joganan was agtste. Elsabad was negende.

13 Jeremia was tiende. Makbannai was elfde.

14 Hierdie soldate uit Gad was aanvoerders van die leër. Die swakste onder hulle was opgewasse teen 100 soldate, en die sterkste teen 1 000 van hulle.

15 Hulle het oor die Jordaan gegaan terwyl dit aan die begin van die jaar in vloed was en het al die bewoners verjaag wat in die laagtes aan die oostelike en westelike oewers gewoon het.

16 Ander van Benjamin en Juda het ook na Dawid in die bergvesting gekom.

17 Dawid het uitgegaan om hulle te ontmoet, en vir hulle gesê: “As julle in vrede gekom het om my te help, is ons vriende. Maar as julle gekom het om my aan my vyande te verraai terwyl ek onskuldig is, mag die God van ons voorouers dit sien en tussen ons oordeel!”

18 Die Gees het toe oor Amasai gekom. Hy het later ’n leier oor die Dertig geword. Hy het gesê:

“Ons is joune, Dawid!

Ons is aan jou kant,

seun van Isai.

Mag vrede en voorspoed

by jou wees,

en sukses vir almal wat jou help.

Want jou God is die Een

wat jou help!”

Dawid het hulle toe by hom laat aansluit, en hy het hulle offisiere van sy soldate gemaak.

19 Manne uit Manasse het ook uit die Israelitiese leër na Dawid oorgeloop toe hy saam met die Filistyne teen Saul kom veg het. Soos dit gebeur het, het die Filistynse leiers geweier dat Dawid en sy manne saam met hulle gaan. Ná baie bespreking het hulle hulle teruggestuur, want hulle het gesê: “Dit sal ons lewens kos as Dawid sy lojaliteit omswaai agter Saul aan en teen ons draai.”

20 Hier is ’n lys van die manne uit Manasse wat na Dawid oorgeloop het toe hy na Siklag teruggekeer het: Adnag, Josabad, Jediael, Migael, Josabad, Elihu en Silletai. Elkeen was die aanvoerder van 1 000 troepe uit die stam van Manasse.

21 Hulle het Dawid gehelp om bendes rowers te jag, want hulle was almal dapper en ervare soldate wat aanvoerders in sy leër geword het.

22 Dag na dag het meer manne in Hebron by Dawid aangesluit totdat hy ’n groot leër gehad het, soos ’n leër van God.

23 Dit is die getalle gewapende soldate wat by Dawid in Hebron aangesluit het. Hulle was almal angstig dat Dawid koning word in die plek van Saul, soos die Here belowe het.

24 Van die stam van Juda was daar 6 800 soldate gewapen met skild en spies.

25 Van die stam van Simeon was daar 7 100 soldate.

26 Van die stam van Levi was daar 4 600 soldate.

27 Dit het Jojada ingesluit, wat leier van die familie van Aäron was, met 3 700 onder sy bevel.

28 Dit het ook Sadok ingesluit, ’n jong soldaat, met 22 lede van sy familie wat almal offisiere was.

29 Van die stam van Benjamin, Saul se familie, was daar 3 000 soldate. Die meeste Benjaminiete het lojaal aan Saul gebly.

30 Van die stam van Efraim was daar 20 800 soldate, elkeen bekend in sy eie groep.

31 Van die halwe stam van Manasse wat wes van die Jordaan gebly het, is daar 18 000 manne gestuur met die doel om Dawid koning te maak.

32 Van die stam van Issaskar was daar 200 leiers met hulle families. Hierdie manne het die tye verstaan en geweet wat vir Israel die beste pad is.

33 Van die stam van Sebulon was daar 50 000 ervare soldate. Hulle was gewapen en gereed vir die geveg, en heeltemal lojaal aan Dawid.

34 Van die stam van Naftali was daar 1 000 offisiere en 37 000 soldate, gewapen met skild en spies.

35 Van die stam van Dan was daar 28 600 soldate, almal gereed vir die geveg.

36 Van die stam van Aser was daar 40 000 opgeleide soldate, almal gereed vir die geveg.

37 Van die oostekant van die Jordaan af, waar die stamme van Ruben, Gad en die halwe stam van Manasse gebly het, het 120 000 soldate gekom, gewapen met elke soort wapen.

38 Al hierdie manne het in slagordes na Hebron gekom met die enkele doel om Dawid koning van Israel te maak. Al die ander Israeliete het saamgestem dat Dawid hulle koning moes wees.

39 Hulle het daar saam met Dawid drie dae lank feesgevier en gedrink, want hulle familielede het die voorbereidings vir hulle aankoms getref.

40 En selfs mense so ver weg as Issaskar, Sebulon en Naftali het kos op esels, kamele, muile en beeste gebring. Groot hoeveelhede meel, vyekoeke, rosyntjies, wyn, olyfolie, beeste en skape is vir die fees gebring. Daar was groot blydskap in die land Israel.

Dawid probeer die ark skuif

1 Dawid het al sy amptenare, insluitend die aanvoerders en offisiere van sy leër, om raad gevra.

2 Hy het ook die hele vergadering van Israel toegespreek: “As julle dit goedkeur en dit die wil van die Here ons God is, laat ons boodskappers na al die Israeliete deur die hele land stuur, ook na die priesters en die Leviete in die stede met hulle weiveld. Laat ons hulle nooi om by ons aan te sluit.

3 Want nou is die tyd dat ons die ark van ons God na ons toe terugbring, want ons het dit in die dae van Saul verwaarloos.”

4 Die hele vergadering het saamgestem, want die volk kon sien dat dit die regte ding is om te doen.

5 Dawid het al die mense van Israel bymekaargebring, van een kant van die land na die ander kant toe, om die ark van God uit Kirjat-Jearim te bring.

6 Toe het Dawid en die hele Israel na Baäla gegaan wat in Juda is, wat ook Kirjat-Jearim genoem word. Hulle het die ark van God daarvandaan gaan haal. Dit is die ark wat die naam dra van die Here wat tussen die gerubs woon.

7 Hulle het die ark van God vanaf die huis van Abinadab op ’n nuwe wa vervoer, met Ussa en Agjo wat dit lei.

8 Dawid en almal van Israel het voor God feesgevier met al hulle mag. Hulle het gesing en op allerlei musiekinstrumente gespeel, op siters, harpe, tamboeryne, simbale en trompette.

9 Toe hulle by die dorsvloer van Nakon kom, het die osse gestruikel. Ussa wou keer en het sy hand uitgesteek om die ark te keer.

10 Die woede van die Here het teen Ussa ontbrand, en Hy het hom doodgeslaan omdat hy sy hand op die ark gesit het. Ussa het daar in die teenwoordigheid van God gesterf.

11 Dawid was ontevrede omdat die Here se woede teen Ussa ontbrand het. Hy het daardie plek Peres-Ussa genoem, wat “uitbraak teen Ussa” beteken. Dit word tot vandag toe so genoem.

12 Omdat Dawid toe vir God bang was, het hy gevra: “Hoe kan ek ooit die ark van God terugneem in my sorg?”

13 Daarom het Dawid besluit om nie die ark na die Stad van Dawid te verskuif nie. Hy het dit na die huis van Obed-Edom, die Gittiet, laat gaan.

14 Die ark van God het vir drie maande by Obed-Edom se familie in sy huis gebly. Die Here het hom en sy hele huishouding geseën.